زکات میں تجارتی مال کا مطلب

واضح رہے  کہ  زکات  کے باب میں  کسی چیز کو تجارت کی نیت  سے خریدنے کا مطلب  یہ ہے کہ اس چیز کو آگے بیچنے کی نیت سے خریدا جائے تو اس صورت میں اس پر شرعًا زکات  واجب ہوتی ہے ، لیکن اگر   اپنے تجارتی کام میں  استعمال  کے لیے کوئی  چیز  خریدی  جائے تو  اس صورت میں وہ تجارتی نہیں  کہلائے گی اور اس پر شرعًا  زکات نہیں آئے گی ؛    لہذا  بصورتِ مسئولہ آپ نے مذکورہ گاڑی اگر اپنے تجارتی سامان کے نقل وحمل کے  لیے لی ہے، آگے بیچنے کی نیت سے نہیں خریدی تو اس صورت میں یہ گاڑی  زکات کے باب میں  مالِ  تجارت  شمار نہیں ہوگی اور اس پر  زکات واجب نہیں ہوگی۔

الدر المختار وحاشية ابن عابدين (رد المحتار) (2 / 272):

"(وما اشتراه لها) أي للتجارة (كان لها) لمقارنة النية لعقد التجارة (لا ما ورثه ونواه لها) لعدم العقد إلا إذا تصرف فيه أي ناويا فتجب الزكاة لاقتران النية بالعمل".

فقط واللہ اعلم