ٹچ موبائل جیب میں ہوتے ہوئے نماز ادا کرنا

صورت مسئولہ میں اگر   جیب میں ٹچ موبائل ہوتو  اس کے جیب میں ہوتے   ہوئے  نماز ادا ہوجائے گی۔

یہ واضح رہے کہ   ٹچ موبائل میں  کیمرے سے جان دار کی تصاویر یا ویڈیو بنانا یا محفوظ رکھنا، یا اس میں انٹرنیٹ اور سوشل میڈیا کا غلط استعمال کرنا جائز نہیں ہے، ان خرابیوں سے بچتے ہوئے فی نفسہ ٹچ موبائل کا استعمال ناجائز نہیں ہے، البتہ اگر کسی فرد کے لیے استعمال کی صورت میں ناجائز استعمال کا غالب امکان ہو تو اسے چاہئے کہ سادہ موبائل استعمال کرے اور اگر ٹچ موبائل کا استعمال ضروری ہو تو   بلاضرورتِ شدیدہ استعمال سے اجتناب کرے۔

الدر المختار میں ہے:

"(و) لايكره (لو كانت تحت قدميه) أو محل جلوسه؛ لأنها مهانة (أو في يده) عبارة الشمني بدنه لأنها مستورة بثيابه (أو على خاتمه) بنقش غير مستبين. قال في البحر: ومفاده كراهة المستبين لا المستتر بكيس أو صرة أو ثوب آخر، وأقره المصنف."

(1/ 647، كتاب الصلاة، ط: سعيد)

فقط واللہ اعلم