ہاتھ پر سبزی کی تہہ جم جائے تو وضو اور غسل کا حکم

واضح رہے کہ عام طور پر سبزی کاٹتے وقت ہاتھ پر جو تہہ جم جاتی ہے وہ ہاتھ تک پانی پہنچنے میں مانع نہیں ہوتی ؛لہذا صورت ِ مسئولہ میں اگر سبزی کاٹنے سے ہاتھ پر تہہ جم جائے اور وہ پانی کے پہنچنے میں مانع نہ ہو تو اس تہہ کے ہوتے ہوئے وضو اور غسل ہوجائے گا ۔

حاشیۃ الطحطاوی علی مراقی الفلاح میں ہے :

"و الثالث زوال ما يمنع ‌وصول ‌الماء ‌إلى ‌الجسد لحرمة الحائل كشمع وشحم، قيد به؛ لأن بقاء دسومة الزيت ونحوه لا يمنع لعدم الحائل وترجع الثلاثة لواحد هو عموم المطهر شرعا البشرة."

(کتاب الطہارۃ،فصل فی احکام الوضوء،ص:۶۲،دارالکتب العلمیۃ)

فقط واللہ اعلم