قربانی کےجانور میں صدقہ کی نیت سے حصہ شامل کرنا

واضح رہے کہ قربانی کے جانور میں اللہ کی عبادت اور اس کے تقرب کی نیت کرنا ضروری ہے چاہے وہ واجب قربانی کی صورت میں ہو یا صدقہ وغیرہ کی صورت میں ہو۔لہذا   اگر کوئی شخص قربانی کے  بڑے جانور میں ایک یا ایک سے زائد حصے صدقہ کی نیت سے ڈالتا ہے تو ایسا کرنا درست ہے اور قربانی و صدقہ دونوں چیزیں درست ہو جائیں گی۔

بدائع الصنائع میں ہے:

"(ولنا) أن الجهات - وإن اختلفت صورة - فهي في المعنى واحد؛ لأن المقصود من الكل التقرب إلى الله عز شأنه."(72/5)

فقط واللہ اعلم