شوہر کا بیوی کی طرف سے دعوی طلاق کے جواب میں طلاق دینے کا حکم

صورتِ مسئولہ میں واقعۃً اگربیوی نے اپنے شوہر سے کہا کہ " اس نے مجھے طلاق دی " اور شوہر نے جواب میں کہا کہ "بس اس نے کہامیں نے اسے طلاق دی  ہے، پھر وہ طلاق شدہ ہے،"  تو اس صورت میں بیوی  پر ایک طلاق رجعی واقع ہو گئی ہے،  اگر اس طلاق کے علاوہ بیوی کو اس کے شوہر نے کو کوئی اور طلاق نہیں دی تو شوہر کو دورانِ عدت بغیرنکاح کے  اور عدت کے بعد باہمی رضامندی سے نئے مہر کے ساتھ گواہوں کی موجودگی میں دوبارہ نکاح کرنا لازم ہوگا، عدت میں رجوع ہو یا بعداز عدت تجدید نکاح ہودونوں صورتوں میں رجوع کے بعد آئندہ کے لیے شوہر دو طلاقوں  کا مالک رہے گا۔

فتاوی ہندیہ میں ہے : 

"وإذا طلق الرجل امرأته تطليقة رجعية أو تطليقتين فله أن يراجعها في عدتها رضيت بذلك أو لم ترض."

(كتاب الطلاق ، الباب السادس في الرجعة وفيما تحل به المطلقة وما يتصل به ، ج : 1 ص : 470 ط : رشيدية)

فقط واللہ اعلم