ذرنین نام رکھنے کا حکم

"ذرنین " نام تتبع اور تلاش کے باوجود عربی یا فارسی کی  کسی مستند لغت  میں نہیں مل سکا، البتہ زرِنین (زاء کے ساتھ ) فارسی کے دو لفظوں زر بمعنی سونا اور نین بمعنی آنکھیں سے مل کر بنا ہے، جس کا معنی آنکھوں کا سونا مراد آنکھوں کی رونق ہوسکتاہے، اس معنی کے اعتبار سے یہ نام رکھ سکتے ہیں، البتہ مذکورہ نام رکھنے  کے بجائے انبیاء کرام علہیم السلام، صحابہ کرام رضوان اللہ علیہم اجمعین کے ناموں میں سے کسی نام کا انتخاب کیا جائے۔

1:زر کا معنی :سونا ،کندن ،طلا ،قیمتی دھات۔

(اردو لغت،ج:11، ص:74 ، ط:اردو لغت بورڈ ،کراچی )

2:نین کا معنی :آنکھ ،نظر ،نگاہ (عموما بطورِ جمع مستعمل )۔

(اردو لغت،ج:20،ص:800 ،ط:اردو لغت بورڈ ،کراچی )

فقط والله أعلم