بیوی کا شوہر کو گالی دینا گناہ ہے؟

 کسی بھی مسلمان کو گالی دینا گناہِ کبیرہ ہے، اور شوہر کا بیوی پر بہت بڑا حق ہے، حدیثِ پاک میں ہے کہ اگر میں کسی کو  دوسرے کو سجدے کا حکم دیتا تو بیوی کو حکم دیتا کہ وہ شوہر کو سجدہ کرے۔ لہذا شوہر کے لیے  ایسے الفاط کے استعمال سے بیوی سخت گناہ گار ہے، اسے سچے دل سے اللہ تعالیٰ کے حضور بھی توبہ کرنی چاہیے، اور اپنے شوہر سے بھی معافی مانگنی چاہیے،باقی شوہر کو بھی ایسا کوئی کام نہیں کرنا چاہئے  جس کی وجہ سے عورت کے جذبات اس حد تک مجروح ہوجائیں کہ وہ گالم گلوچ  پر اتر آئے ۔

حدیث شریف میں ہے:

"حدثنا محمود بن غيلان قال: حدثنا النضر بن شميل قال: أخبرنا محمد بن عمرو، عن أبي سلمة، عن أبي هريرة، عن النبي صلى الله عليه وسلم قال: «لو كنت آمرا أحدا أن يسجد لأحد لأمرت المرأة أن تسجد لزوجها» ."

(سنن الترمذی، باب ما جاء في حق الزوج على المرأة، ج: 3، صفحہ: 457، رقم الحدیث: 1159، ط: شركة مكتبة ومطبعة مصطفى البابي الحلبي - مصر)

فقط واللہ اعلم