زانی کے بھائی کا اس عورت کی بیٹی کےساتھ نکاح کرنا جس کے ساتھ اس کے بھائی نے زنا کیا ہو

واضح رہے کہ زانی پر جس عورت کے ساتھ اس نے زنا کیا ہے اس کے اصول اور فروع حرام ہو جاتے ہیں ،  صورت مسئولہ میں چونکہ زنا حامد نے کیا ہے لہذا  حامد کے لیے اس عورت کی بیٹی سے نکاح جائز نہیں  ، لیکن حامد کے حقیقی بھائی محمود کا اس مزنیہ عورت  کی بیٹی سے نکاح کرنا شرعا درست ہے۔

البحر الرائق میں ہے:

"وأراد بحرمة المصاهرة ‌الحرمات ‌الأربع: حرمة المرأة على أصول الزاني وفروعه نسبا ورضاعا وحرمة أصولها وفروعها على الزاني نسبا ورضاعا كما في الوطء الحلال ويحل لأصول الزاني وفروعه أصول المزني بها وفروعها."

( کتاب النکاح، فصل فی المحرمات فی النکاح،ج:3، ص:108، ط:دار الکتاب الاسلامی)

فقط واللہ اعلم