عنایہ نام رکھنے کا حکم

"عنایہ" عربی زبان کا لفظ ہے، اور عربی لغت میں  یہ لفظ ’’ع‘‘ کے ساتھ  "عنایہ"  ہی ملتا ہے،  اور 'ع' کے نیچے زیر  اور 'ع' پر زبر کے ساتھ دونوں طرح یہ مستعمل ہے، "عنایہ " کےمعنی: توجہ، التفات، وغیرہ۔ لہذا  "عنایہ"  نام رکھنادرست ہے البتہ بہتر اور افضل یہ ہے کہ ازواجِ مطہرات و صحابیات رضی اللہ عنہن کے ناموں میں سے کسی نام کا انتخاب کرلیا جائے۔ اچھے ناموں کی فہرست ہماری ویب سائٹ پر حروف تہجی کے اعتبار سے موجود ہے اس سے بھی استفادہ کیا جا سکتا ہے۔

القاموس المحيط میں ہے:

"ي: عناه الأمر يعنيه ويعنوه عناية وعناية وعنيا: أهمه."

(باب الواو و الیاء فصل العین ص نمبر ۱۳۱۶،مؤسسۃ الرسالۃ)

فقط واللہ اعلم