حالتِ جنابت میں روزہ رکھنے اور غسل میں تاخیر کا حکم

صورت ِمسئولہ میں بیوی سے جماع کرنے کے بعد  حالتِ جنابت میں سحری کر کے روزہ رکھ لیا تو شرعاً اس کا روزہ درست ہے،   ناپاک ہونے کی وجہ سے  روزہ پر کوئی  فرق نہیں پڑے گا، البتہ جلد از جلد غسل کرلینا چاہیے، لیکن غسل میں اتنی تاخیر کرنا کہ سورج طلوع ہوکر   فجر کی  نماز قضا ہوجائے گناہ کا باعث ہے۔

فتاوی شامی میں ہے:

"(أو أصبح جنبا و) إن بقي كل اليوم۔۔۔۔۔(لم يفطر)."

(کتاب الصوم ،باب مایفسد الصوم وما لا یفسد،ج:۲،ص:۴۰۰،سعید)

فتاوی ہندیہ میں ہے :

"الجنب إذا أخر الاغتسال إلى وقت الصلاة لا يأثم. كذا في المحيط."

(کتاب الطہارۃ،الباب الثالث فی المیاہ،ج:۱،ص:۱۶،دارالفکر)

فقط واللہ اعلم