طلاق دینی ہے یا طلاق دے دوں گا سے طلاق کے وقوع کا حکم

صورتِ مسئولہ میں کسی شخص سے بات کرتے ہوئے یہ   جملہ : ”مجھے اسے طلاق دینا ہے“ یا ” میں اسے طلاق دے دوں گا“ کہنے سے بیوی پر طلاق واقع نہیں ہوگی؛ اس لیے  کہ  یہ الفاظ بالترتیب مستقبل میں طلاق دینے کی اطلاع اور  طلاق دینے کا وعدہ ہیں، لہذا اس سے طلاق واقع نہیں ہوتی۔

العقود الدریہ فی تنقیح الفتاوی الحامدیۃ میں ہے:

"صيغة المضارع لا يقع بها الطلاق إلا إذا غلب في الحال كما صرح به الكمال بن الهمام."

(1/38،کتاب الطلاق، ط:دار المعرفة)

فقط والله اعلم