روزہ کی حالت میں خون نکلنے سے روزہ کا حکم
سوال
آج صبح میرا ہاتھ زخمی ہوا جس سے معمولی مقدار میں خون بہہ گیا اور ظہر کے وقت ناک سے خون جاری ہوا تو ایسے حالت میں روزے کی نوعیت کیا ہوگی آیا روزہ برقرار ہے یا ٹوٹ گیا؟
جواب
روزہ کے دوران جسم کے کسی بھی حصہ سے خون نکلے گا تو روزہ فاسد نہیں ہوگا البتہ وضو فاسد ہو جائے گا۔ لہذا آپ کا روزہ نہیں ٹوٹا۔
بدائع الصنائع میں ہے:
"قال النبي صلى الله عليه وسلم: الفطر مما يدخل، والوضوء مما يخرج."
( فصل ارکان الصوم ، کتاب الصوم جلد 2 ص: 92 ط: دار الکتب العلمیہ)
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144309100234
تاریخ06-04-2022
