بیوی کے خلع لینے کے بعد بیوی کے عدت کے دوران شوہر کا اپنی سالی سے نکاح کا حکم

واضح رہے کہ جس طرح  شوہر کے لیے اپنی منکوحہ  (جب تک نکاح میں ہے)کی بہن سے نکاح کرنا حرام ہے، اسی طرح دورانِ عدت اپنی مطلقہ بیوی کی بہن    سے نکاح کرنا بھی حرام ہے؛لہذا صورت مسئولہ میں سائلہ کے  سابقہ شوہر نےسائلہ کے خلع لینے کے بعد ان کی عدت مکمل ہونے سے پہلے پہلے اپنی سالی سے جو نکاح کیا ہے ،یہ نکاح شرعاً منعقد نہیں ہوا، دوبارہ نکاح کرنا ضروری ہے۔ 

ہدایہ میں ہے:

" وإذا طلق امرأته طلاقا بائنا أو رجعيا لم يجز له أن يتزوج بأختها حتى تنقضي عدتها".

(كتاب النکاح،فصل فی بیان المحرمات،ج:1،ص:188،ط:داراحیاء التراث العربی)

فتاوٰی شامی میں ہے:

"(و) حرم ( الجمع ) بين المحارم (نكاحا) أي عقدا صحيحا (وعدة ولو من طلاق بائن و) حرم الجمع (وطأ بملك يمين بين امرأتين أيتهما فرضت ذكرا لم تحل للأخرى)".

(کتاب النکاح،فصل فی المحرمات،ج:3،ص:38،ط:سعید)

فقط واللہ اعلم