والد کی زندگی میں انتقال کر جانے والی بیٹی شرعاً وارث نہیں ہوتی

صورتِ مسئولہ میں اگر سائل کی والدہ کا انتقال ان کے والد ( سائل کے نانا ابو ) کے انتقال سے پہلے ہوچکا تھا ،اور  ان کے والد کا انتقال بعد میں ہوا ، تو اس صورت میں سائل کی والدہ کواپنے والد کے متروکہ جائیداد میں سے کوئی حصہ نہیں ملے گا ، بلکہ نانا ابو کا ترکہ ان کی دیگر موجودہ اولاد میں ان کے شرعی حصص کے مطابق تقسیم ہوگا۔

فتاویٰ شامی میں ہے:

"وأركانه (الفرائض): ثلاثة وارث ومورث وموروث. وشروطه: ثلاثة: موت مورث حقيقة، أو حكما كمفقود، أو تقديرا كجنين فيه غرة ووجود وارثه عند موته حيا حقيقة أو تقديرا كالحمل والعلم بجهة إرثه."

(کتاب الفرائض،ج:۶،ص:۷۵۸،ط: ایچ ایم سعید)

فقط واللہ اعلم