نمازِ جنازہ کے لیے میت کو زمین پر اور چارپائی پر رکھنے کا حکم

واضح رہے کہ نمازِ جنازہ کے لیے میت کا امام کے سامنے قبلہ کی طرف ہونا ضروری ہے، خواہ میت زمین پر رکھی جاۓ یا چار پائی پر، البتہ چارپائی پر رکھنا بہتر ہے۔

رد المحتار میں ہے:

"وشرطها أيضا حضوره (ووضعه) وكونه هو أو أكثره (أمام المصلي) وكونه للقبلة."

وفي حاشيته:

"(قوله ووضعه) أي على الأرض، أو على الأيدي قريبا منها."

(كتاب الصلاة، باب صلاة الجنازة، ج: 2، ص: 208، ط: دار الفكر بيروت)

امداد الفتاوی میں ہے: 

"سوال: کیا فرماتے ہیں علماۓ دین کہ نماز جنازہ چار پائی پر رکھ کر یا زمین پر جنازہ رکھ کر یا کسی شۓ پر سنت ہے؟

جواب: جنازہ کا امام کے روبرو رکھا جانا ضروری ہے خواہ چارپائی پر ہو یا زمین پر۔ لیکن اولیٰ چارپائی پر رکھنا ہے۔"

(کتاب الصلوٰۃ، باب الجنائز، ج: 3، ص: 352، ط: مکتبہ رشیدیہ)

فقط والله أعلم