طہارت خانوں کی اینٹیں مسجد کے صحن کے فرش میں استعمال کرنا

صورت مسئولہ میں مذکورہ جگہوں میں استعمال شدہ اینٹوں اور روڑے کے علاوہ کسی اور ذریعے سے اگر مسجد کے صحن کی ضروریات پوری ہوسکتی ہیں تو بہتریہی ہے کہ ان مقامات میں استعمال شدہ اینٹوں اور  روڑے کو مسجد کے صحن میں استعمال نہ کیا جائےاور اگر متبادل انتظام مشکل ہوتواس صورت میں مذکورہ مقامات کی اینٹوں  اورروڑے پر ظاہری نجاست نہ ہوتوان کا مسجد کے صحن میں لگانا اور اس پر نماز پڑھنا جائز ہوگا۔

بدائع الصنائع میں ہے:

"فَلِأَنَّهُ مُسْتَقْذَرٌ طَبْعًا فَيَجِبُ تَنْزِيهُ الْمَسْجِدِ عَنْهُ كَمَا يَجِبُ تَنْزِيهُهُ عَنْ الْمُخَاطِ وَالْبَلْغَمِ۔"

(بدائع لصنائع ،کتاب الطھارۃ(1/ 68)ط:ایچ ایم سعید کراچی)

فیض الباری میں ہے:

" (القَذَر) وهو ما يَسْتَقْذره الإنسان طبعًا فهو أعمُّ من النَّجَاسَةِ وغيرها،"

(فیض الباری شر ح صحیح البخاری باب اذابدرہ البزاق فلیاخذبطرف ثوبہ(2/ 167) ط:مکتبۃ مشکاۃ الاسلامیہ)

فقط واللہ اعلم