بیٹی کا نام عنایہ رکھنا

"عنایہ" (عین کے زبر اور زیر دونوں کے ساتھ ) عربی زبان کا لفظ ہے جس کا معنی ہے توجہ، اہتمام ، لطف ،مہربانی ، تحفہ اور عطیہ۔بیٹی کا یہ نام رکھ سکتے ہیں۔ 

بہتر یہ ہے کہ بچیوں کے نام نبی صلی اللہ علیہ وسلم کی بنات، ازواج  اور دیگر صحابیات کے نام پر رکھے جائیں، اسلامی ناموں کی مزید  تفصیل کے لیے مفتی عبد الشکور قاسمی رحمہ اللہ کی کتاب "رہنمائے اسلامی نام"  کا مطالعہ کیا جا سکتا ہے، نیز ہماری ویب سائٹ پر لڑکو ں لڑکیوں کے منتخب نام معانی کے ساتھ حروفِ تہجی کی ترتیب کے ساتھ موجود ہیں، استفادہ کے لیے درج ذیل لنک پر کلک کیجیے۔

لڑکیوں کے اسلامی نام

علامہ زبیدی (م: 1205 ھ) کی "تاج العروس  من جواہر القاموس" میں ہے:

"عني: (ي ( {عناه الأمر} يعنيه ويعنوه {عناية) ، بالكسر، ( وعناية) ، بالفتح(عنيا) ، كعتي؛ وضبطه بعض بالضم؛ (أهمه) ؛ وقرىء: {لكل امرىء يومئذ شأن يعنيه} ؛ معناه له شأن لا يهمه معه غيره؛ وكذا بالمعجمة، {والمعنى لا يقدر مع الاهتمام به على الاهتمام بغيره.

وفي الحديث: (من حسن إسلام المرء تركه ما لا يعنيه) ، أي ما لا يهمه.

وفي حديث الرقية: (بسم الله أرقيك من كل داء يعنيك) ؛ أي يهمك ويشغلك".

("عني" الجزء: 39 ،ص: 120، ط:دار الهداية)

فیروز اللغات میں ہے:

"عنایت: (1) لطف ۔ مہربانی،(2)  توجہ۔ التفات، (3) تحفہ ۔ عطیہ۔"

(ص: 905)

فقط واللہ اعلم