دنبے کو چمڑا سمیت آگ میں بھوننے کا حکم

ذبح شدہ دنبے کو آگ پر بھوننا جائز ہے، البتہ اس میں مندرجہ ذیل اجزاء کا کھانا جائز نہیں ہے :

1۔  دمِ  مسفوح یعنی بہنےوالاخون۔

2۔ پیشاب کی جگہ (نرومادہ کی)۔

3۔ خصیے(فوطے)۔

4۔ پاخانے کی جگہ۔

5۔ غدود(سخت گوشت)۔

6۔ مثانہ(پیشاب کی تھیلی)۔

7۔ پِتَّا۔

اس لیے بہتر ہے کہ دنبے کو بھوننے سے پہلے ان اعضا کو ہٹا لیا جائے۔

فتاوی شامی میں ہے :

"ما يحرم أكله من أجزاء الحيوان المأكول سبعة: الدم المسفوح والذكر والأنثيان والقبل والغدة والمثانة والمرارة بدائع."  

(6/ 311ط:سعيد)

فقط واللہ اعلم