بلی پالنے اور اس کی افزائشِ نسل کا حکم

صورتِ مسئولہ میں بلی کو گھر میں پالنا جائز ہے بشرطیکہ اس کی خوراک کا مناسب انتظام کیا جائے ، اسی طرح بلی کی خرید و فروخت کرنا اور اس کی دیکھ بھال کر کے اس کی نسل کی افزائش میں بھی شرعاً کوئی قباحت نہیں ہے۔

 افزائشِ نسل پر پیسے لگانے  اور سرمایہ کاری کرنے کے متعلق فتویٰ حاصل کرنے کے لیے سرمایہ کاری کے طریقہ کی تفصیل لکھ کر دوبارہ ارسال کریں۔

الدر المختار میں ہے:

"(و صحّ بيع الكلب) و لو عقورًا (و الفهد) و الفيل و القرد (و السباع) بسائر أنواعها حتى الهرة و كذا الطيور."

و في الشامية: 

"(قوله: حتى الهرة)؛ لأنها تصطاد الفأر و الهوام المؤذية فهي منتفع بها، فتح."

(كتاب البيوع، باب المتفرقات من أبوابها، 5/ 226، ط سعيد)

و فيه أيضاً:

"و يجوز بيع البازي و الشاهين و الصقر و أمثالها و الهرة، و يضمن متلفها."

(‌‌‌‌باب البيع الفاسد، 5/ 68، أيضاً)

فقط والله أعلم