سالی سے پردہ ہے یانہیں؟

صورت مسئولہ میں محرم وہ  ہوتاہے جس کے ساتھ ہمیشہ کے  لیے نکاح  حرام ہو،  سالی سے ہمیشہ کے لیے نکاح حرام نہیں ہے ، اس لیے   سالی اجنبیہ کے حکم میں    ہے خواہ بیوی زندہ ہو یافوت ہوچکی ہو ،ہر حال میں ان سے پردہ ضروری ہے ۔

تفسیر ابن کثیر میں ہے:

"و قوله تعالى: وأحل لكم ما وراء ذلكم أي ما عدا من ذكرن من المحارم، هن لكم حلال."

(سورۃ النساء آیت 24 ۔۔۔ 2/226ط: دار الكتب العلمية)

مرقاۃ المفاتیح میں ہے:

"المحرم من النساء التي يجوز له النظر إليها والمسافرة معها كل من حرم نكاحها على التأبيد بسبب مباح لحرمتها فخرجت بالتأبيد أخت الزوجة وعمتها وخالتها."

(کتاب المناسک 5/1744ط: دار الفكر)

فتاوی محمودیہ میں ہے:

"سوال :سالی سے پردہ کرنا چاہیے یانہیں اور کچھ حد مقرر ہے یانہیں ؟

جواب :جی ہاں پر دہ کرناچاہیے ، وہ اجنبیہ ہے ، اس کی بہن کو طلاق دینے اور عدت گزرنے پر ، یااس کے انتقال پر اس سے نکاح درست ہے ، اس سے خلوت بھی منع ہے ، ہنسی مذاق اور بے پردہ سامنے آنا بھی منع ہے ۔"

باب الحجاب 19/ 207 ط:ادارہ الفاروق)

فقط واللہ اعلم