طلاق رجعی اور دو طلاق بائن میں عدت کانفقہ کس کے ذمے لازم ہے؟

واضح رہے کہ خواہ  ایک طلاق رجعی ہو یا دوطلاق بائن ہو ،بہردو صورت  عدت کے دوران مطلقہ   عورت کا نفقہ اس کے شوہر کے ذمے لازم  ہے ۔

ہندیہ میں ہے:

" المعتدة عن الطلاق تستحق النفقة والسكنى كان الطلاق رجعيا أو بائنا، أو ثلاثا حاملا كانت المرأة، أو لم تكن كذا في فتاوى قاضي خان۔"

(کتاب الطلاق ،الفصل الثالث في نفقة المعتدة1/557ط:دارالفکر)

الدرالمختار میں ہے:

"(و) تجب (لمطلقة الرجعي والبائن، والفرقة بلا معصية۔۔۔ النفقة والسكنى والكسوة) إن طالت المدة،۔"

(کتاب الطلاق ، باب النفقۃ 3/609ط:سعید)

فقط واللہ اعلم