شوہر تین بیٹیاں 4بھائی اور دو بہنوں کے درمیان وراثت کی تقسیم
سوال
بیوی کا انتقال ہوگیا ہے ورثاء میں موجود شوہر ،تین بیٹیاں ،4بھائی اور 2 بہنیں ہیں ؟
جواب
صورت مسئولہ میں مرحومہ کی میراث کی تقسیم کا شرعی طریقہ یہ ہے کہ سب سے پہلے مرحومہ کے حقوق متقدمہ یعنی اگر مرحومہ کے ذمہ کوئی قرض ہو تو کل مال سے ادا کرنے کے بعد،اگرانہوں نے کوئی جائز وصیت کی ہو تو باقی مال کے تہائی حصہ میں سے اسے نا فذ کرنے کے بعد باقی تمام ترکہ منقولہ و غیر منقولہ کے کل 360 حصے کر کے مرحومہ کے شوہر کو 30 حصے، ہر ایک بیٹی کو 80 حصے ، ہر ایک بھائی کو 6 حصے اور ہر ایک بہن کو 3 حصے ملیں گے ۔
صورتِ تقسیم یہ ہے:
میت:360/12
| شوہر | بیٹی | بیٹی | بیٹی | بھائی | بھائی | بھائی | بھائی | بہن | بہن |
| 3 | 8 | 1 | |||||||
| 30 | 80 | 80 | 80 | 6 | 6 | 6 | 6 | 3 | 3 |
یعنی 100 روپے میں سے مرحومہ کے شوہر کو 8.333روپے ،ہر ایک بیٹی کو 22.222روپے ،ہر ایک بھائی کو1.666روپے اورہر ایک بہن کو 0.833روپے ملیں گے ۔
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
