بیوی سے دو بار کہنا کہ اگر تم نے دروازہ نہ کھولا تو میں تمہیں طلاق دے دوں گا اور پھر بیوی نے دروازہ کھول دیا

صورتِ مسئولہ میں سائل کابیان اگر واقعۃً درست ہے کہ اس نے اپنی بیوی سے یہ الفاظ کہے تھے کہ"اگر تم نے دروازہ نہ کھولا تومیں تمہیں طلاق دے دوں گا"، اس کے بعد بیوی نے دروازہ کھول بھی دیا تھا، مذکورہ الفاظ میں چوں کہ طلاق کا صرف وعدہ اور دھمکی ہے، لہذا ان الفاظ سے کوئی طلاق واقع نہیں ہوئی،سائل کی بیوی بدستور اس کے نکاح میں ہے، لہذا سائل کی بیوی کا اپنے میکے چلی جانااور یہ کہنا شرعاً درست نہیں کہ" میرے شوہر نے مجھے طلاق دےدی ہے"، سائل کی بیوی کوچاہیے کہ اپنے شوہر کے گھر واپس آجائےاور اپنے شوہر اوربچوں کے ساتھ خوش اسلوبی سے زندگی بسرکرے۔

الدر مع الرد میں ہے:

"بخلاف قوله: طلقي نفسك فقالت: أنا طالق أو أنا ‌أطلق نفسي لم يقع؛ لأنه وعد جوهرة، .... وعبارة الجوهرة: وإن قال: طلّقي نفسك فقالت: أنا أطلّق لم يقع قياساً واستحساناً".

(الدر مع الرد، کتاب الطلاق، باب تفویض الطلاق،ج:۳،ص:۳۱۹،ط:سعید)

فقط والله اعلم