عاق کرنے کی شرعی حیثیت
سوال
عاق کی شرعی حیثیت کیا ہے؟اور اگر ،کوئی والد اپنے بیٹے سے کہہ دے میں نے تمہیں عاق کر دیا تو کیا اس کو جائیداد میں حصہ دیا جائے گا یا نہیں؟
جواب
عاق کرنے کی شرعی کوئی حیثیت نہیں۔ اگر کوئی باپ اپنی اولاد میں سے کسی کو عاق کرے تو بھی اس کی وفات کے بعد اس بیٹے یا بیٹی کو باپ کی میراث میں سے حصہ ملے گا۔
تکملہ رد المحتار میں ہے:
الإرث جبري لا يسقط بالإسقاط .
(کتاب الدعوی، باب التحالف، فصل في دفع الدعاوی( 7/ 505)،ط. سعید)
فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144301200135
تاریخ11-08-2021
