زمین داروں کا میزان بینک سے قسطوں پر ٹریکٹر ، شمسی سسٹم وغیرہ لینا

صورتِ  مسئولہ میں  میزان بینک سمیت دیگر موجودہ  مروجہ اسلامک بینکوں سے تمویلی معاملات کرنا، قسطوں پر اشیاء خریدنا جائز نہیں ہے؛  کیوں کہ  یہ   رقم  ان  کی اصطلاح میں "شرکتِ متناقصہ "کے تحت  جاری کی جاتی ہے اور اس معاملے میں بہت سے شرعی اصولوں کی خلاف ورزی لازم آتی ہے، مثلاً ایک ہی معاملے میں  كئي عقود (بیع، شرکت اور اجارہ) کو جمع کرنا اور عملاً ایک دوسرے کے لیے شرط قرار دینا وغیرہ۔

بہرحال   مروجہ غیر سودی بینک اور  روایتی بینک کے بہت سے  معاملات  تقریباً  ایک جیسے ہیں، لہذا روایتی بینکوں کی طرح ان سے بھی  تمویلی معاملات کرنا سے اجتناب کرنا لازم ہے۔فقط واللہ اعلم