ملازم کی صدقہ کی رقم سے امداد کرنا

اگر کوئی شخص اپنے ملازمین کو تنخواہ کے علاوہ صدقہ کی رقم دیتا ہے تو ایسا کرنا جائز ہے، اس میں شرعًا کوئی حرج نہیں، لیکن صدقہ دینے کی وجہ سے  ملازم سے اضافی کام لینا جائز نہیں ہو گا۔ تاہم واضح رہے کہ  زکات اور صدقاتِ  واجبہ کو تنخواہ  کی مد میں دینا شرعًا جائز نہیں ہے،اگر ملازمین مستحقِ  زکات ہوں  تو  تنخواہ کے علاوہ ان کو  زکات کی رقم دی جاسکتی ہے ۔

بدائع الصنائع في ترتيب الشرائع (2/ 47):

"و أما صدقة التطوع فيجوز صرفها إلى الغني؛ لأنها تجري مجرى الهبة."

فقط واللہ اعلم