عید میلاد کا حکم

رسول اللہ صلی اللہ علیہ وسلم کی ولادتِ مبارکہ کا ذکر یا  آپ کے اوصاف ومحاسن اور عبادات ومعاملات کا ذکرحتی  کہ جس چیز کی ادنیٰ نسبت بھی نبی کریم ﷺکی جانب ہو،  اس کا ذکر  یقیناً  مستحسن اور باعثِ اجروثواب  عمل ہے،  اور بلاشبہ آپ  ﷺ کی دنیا میں آمد  عظیم الشان نعمت ہے، اندھیروں میں ایک روشنی ہے، اس پر ایک مسلمان کا  خوش ہونا فطری  امر، اور محبت کا تقاضا ہے،  البتہ  اس پر خوش ہونے کا وہی طریقہ اختیار کرنا جائز ہے جو  محسنِ کائنات ﷺ سے ثابت ہو، یا صحابہ وتابعین نے اس پر عمل کیا ہو،  یہی آپ ﷺ کی آمد  کے  مقصد  کی حقیقی پیروی ہے،  چوں کہ   رسول اللہ ﷺکی ولادت کے دن کو بطورِعیدمنانے کا ثبوت قرآن و سنت، صحابہ کرام رضی اللہ عنہم، تابعین اور تبع تابعین  اور ائمہ مجتہدین  میں سے کسی سے ثابت نہیں؛  اس لیے  علماءِ حق اس کو دینِ اسلام  میں اضافہ اور  بدعت کہتےہیں۔

مزید تفصیل کے لیے ملاحظہ ہو:

عید میلاد النبی ( صلی اللہ علیہ وسلم )

میلاد منانے کا شرعی حکم

فقط واللہ اعلم