چھوٹی لڑکی کے بال کاٹنے کا حکم

صورتِ  مسئولہ  میں  چھوٹی    (سات سال سے کم عمر)  بچی  کے بال برابری کی غرض سے کاٹنا جائز ہے،  البتہ فیشن کی غرض  سے  کاٹنا جائز نہیں ہے۔

فتاوی رحیمیہ میں ہے:

"گھنے اور  لمبے بال عورتوں اور بچیوں کے  لیے باعثِ  زینت ہیں،  آسمانوں میں فرشتے کی تسبیح ہے:

" سبحان من زین الرجال با للحی و زین النساء بالذوائب"،  پاک ہے وہ ذات جس نے مردوں کو داڑھی سے زینت بخشی اور عورتوں کو لٹوں اور چوٹیوں سے ۔ ( روح البیان ص ۲۲۲ جلد ۱)

لہذا بالوں کو  چھوٹا نہ کیا جائے،  البتہ اتنے بڑے ہوں کہ سرین سے بھی نیچے ہوجائیں اور عیب دار معلوم ہونے لگیں تو سرین سے نیچے والے حصے کے بالوں کو کاٹا جاسکتا ہے ۔"

( کتاب الحظر والاباحۃ  جلد ۱۰ / ۱۱۹ / ط :  دار الاشاعت )

فقط واللہ اعلم