وانیہ ، ہانیہ نام رکھنا

 لفظ "وانیا" درست نہیں ، یہ لفظ اصل میں  "وانیہ"  ہے، عربی زبان کا  لفظ ہے جس کا مادہ " ونی "ہے، جس کے درج ذیل معانی آتے ہیں:

1-       سُست                                                                  2-        لاغر جسم                                              3-        ہلکی خوش گوار خوشبو۔   (  دیکھیے: القاموس الوحید: مادة:ونی، ص:1902، ط۔ ادارہ اسلامیات) 

 تیسرے معنی کے اعتبار سے بچی  کا نام" وانیہ "  رکھنے میں  حرج نہیں، تاہم دیگر معانی مناسب نہیں ہیں؛ لہٰذا معنی کے لحاظ سے یہ نام اچھا نہیں ہے؛  اس لیے اس کے بجائے کوئی اچھا بامعنی نام  یا کسی صحابیہ رضی اللہ عنہا کے نام پر نام رکھ لیں۔

"ہانیا" نام بھی  "ہ " کے ساتھ  "ہانیہ "ہے، ''ہانیہ''عربی زبان کالفظ ہے،اس کامعنی ہے:پُرمسرت،خوش دلی،خوش حالی،یہ نام رکھاجاسکتا ہے۔ تاہم "سمروج" کا معنی کسی مستند عربی یا اردو لغت میں نہیں مل سکا، لہٰذا  "سمروج" کے لاحقے کے بغیر صرف "ہانیہ" نام رکھ لیا جائے۔

فقط واللہ اعلم