مسجد کی ضرورت کے لیے جمعہ وعیدین میں چادر گھماکر چندہ کرنا

مسجد   کے اندر  مسجد   کی ضرورت  کے لیے چندہ کرنا جائز ہے، لہذا جمعہ و عیدین میں خطبہ کے وقت کے علاوہ  میں   چادر  گھماکر  چندہ کرلیا  جائے  تو  یہ  جائز  ہے،  البتہ اس میں درج ذیل شرائط کی رعایت رکھنا ضروری ہے:

(1)  اس  سے کسی نمازی کی نماز  میں خلل نہ  ہو۔

(2)  کسی کو  تکلیف نہ دی جائے، مثلاً  لوگوں کی  گردن پھلانگنا غیرہ۔

(3) مسجد میں شور وشغب نہ کیا جائے۔

(4)  چندہ زبردستی نہ لیا جائے اور چندہ نہ دینے پر  کسی کو عار نہ دلائی جائے۔

  بہتر صورت یہ ہے کہ  اگر مسجد کے دروازوں پر یا کسی بھی مناسب جگہ پر چندے کے ڈ بّے  رکھ  کر ضرورت پوری ہوجاتی ہو تو یہی صورت اختیار کی جائے، اورلوگوں کو چاہیے کہ وہ  حسبِ توفیق خاموشی سے ان ڈبوں میں چندہ ڈالتے رہیں۔فقط واللہ اعلم