حاملہ جانور کو ذبح کرنے کا حکم

حاملہ یا گابھن جانور کا ذبح کرنا جائز ہے،تاہم اگر بچے کی ولادت بالکل قریب ہو تو اس کو ذبح کرنا مکروہ ہے۔

ذبح کرنے کی صورت میں اگر جانور کے پیٹ سے بچہ زندہ نکل آئے تو اس کو بھی ذبح کردیا جائے اور اس کا گوشت بھی حلال ہوگا،اور اگر مردہ بچہ نکل آئے تو اس کا گوشت استعمال کرنا جائز نہیں۔

فتاوی ہندیہ میں ہے:

’’شاة أو بقرة أشرفت على الولادة، قالوا: يكره ذبحها؛ لأن فيه تضييع الولد‘‘.(287/5)

فقط واللہ اعلم