قبروں پر بکریاں چرانا

اگر بکریاں از خود قبرستان میں قبروں پر چرتی ہوں تو  (بکریاں چوں کہ غیر ذوی العقول اور غیر مکلف  ہیں)  اس کو قبر کی بے حرمتی نہیں کہا جائے گا، لیکن اگر باقاعدہ بکریاں چرانے والا بکریوں کو قبروں پر چراتا ہو تو یہ  اس کی طرف سے بے حرمتی شمار ہو گی  اور  اس سے اجتناب کرنا ضروری ہو گا، نیز قبرستان کی گھاس وغیرہ عام طور پر وقف ہوتی ہےاور وقف اشیاء کو ذاتی استعمال میں لانا بھی درست نہیں، اس لیے بھی یہ فعل لازم الترک ہے۔ فقط واللہ اعلم