ایک مجلس میں الگ الگ تین طلاق دینا

جمہور  صحابہ کرام رضوان اللہ علیہم اجمعین، تابعین، تبع تابعین اور ائمہ اربعہ رحمہم اللہ کی تصریحات  کے مطابق ایک مجلس میں دی جانے والی تین طلاقیں تین ہی شمار ہوتی ہیں۔

لہذ اصورتِ  مسئولہ  میں اگر  مذکورہ شخص نے اپنی بیوی کو   دو طلاق رجعی دینے کے  دس منٹ بعد تیسری طلاق بھی دے دی  تو اس سے بیوی پر تینوں طلاقیں واقع ہوگئی ہیں، نکاح ختم ہوگیا ہے، عورت اپنے شوہر پر حرمتِ مغلظہ کے ساتھ حرام ہو گئی ہے ، اب  شوہر کے لیے رجوع  یا تجدیِد نکاح کرنا جائز نہیں ہے، فورا ً علیحدگی لازم ہے۔

 ہاں اگر  عورت عدت گزارنے کے بعد دوسرے شخص سے نکاح کرے پھر وہ اس سے ہم بستری کرنے کے بعد از خود  طلاق دے دے یا مرجائے  تو پھر یہ عورت اس دوسرے شوہر کی  عدت گزار کر پہلے شوہر سے نکاح کرسکتی ہے۔

بدائع الصنائع میں ہے:

"و أما الطلقات الثلاث فحكمها الأصلي هو زوال الملك، و زوال حل المحلية أيضًا حتى لايجوز له نكاحها قبل التزوج بزوج آخر؛ لقوله عز وجل: {فإن طلقها فلا تحل له من بعد حتى تنكح زوجا غيره} [البقرة: 230] ، وسواء طلقها ثلاثا متفرقا أو جملة واحدة".

(3/187، فصل في حكم الطلاق البائن، کتاب الطلاق، ط؛ سعید)

فقط والله اعلم