مہر فاطمی کی مقدار

مہر فاطمی کی مقدار احادیث میں ساڑھے بارہ اوقیہ منقول ہے، اور ایک اوقیہ چالیس درھم کا ہوتا ہے،  اس حساب سے مہر فاطمی کی مقدار پانچ سو درھم  چاندی بنتی ہے،  موجودہ دور کے حساب سے اس کی مقدار ایک سو اکتیس تولہ تین ماشہ چاندی ہے، اور گرام کے حساب سے 1.5309 کلو گرام چاندی ہے۔  مہرفاطمی کی سنت پر عمل کرنے کے لیے بہتر تو یہ ہے کہ اتنی مقدار چاندی دی جائے، لیکن  اگر چاندی نہ دی جائے تو نکاح نامے پر یہ الفاظ لکھ دیے جائیں کہ "مہر فاطمی بصورتِ سونا یا بصورتِ نقد"، اور  پھر مہرفاطمی کی مالیت کے بقدر ہی سونا یا نقدی دی جائے تو مہر فاطمی کی سنت ادا ہوجائے گی۔ فقط واللہ اعلم