ڈوب جانے والے کی تلاش کے لیے بکرا ذبح کر کے بطور صدقہ دریا میں پھینکنے کا حکم

دریا میں ڈوب جانے والے آدمی کی تلاش کے لیے بکرا ذبح کر کے دریا میں پھینکنا اور اسے صدقہ سمجھنا درست نہیں ہے، بلکہ اس غرض کے  لیے بکرا ذبح کرنا بھی ضروری نہیں تھا، ویسے ہی صدقہ دے دیتے، بہرحال مذکورہ لوگوں نے جب بکرا ذبح ہی کردیا تھا تو انہیں چاہیے تھا کہ بکرے کو دریا میں پھینکنے کے بجائے غریب اور نادار لوگوں کو کھلا کر اللہ تعالیٰ سے اس صدقہ کے طفیل اس شخص کی جان بچ  جانے یا  لاش مل جانے کی دعا کرتے۔ بکرا ذبح کر کے دریا میں پھینکنا کوئی صدقہ نہیں، بلکہ اسراف  ہے۔  اور اگر جان کے بدلے جان کی قربانی کے نظریے کے تحت کیا تو یہ عقیدہ بھی درست نہیں ہے۔ فقط واللہ اعلم