غیر مستعمل کپڑے جلانا کپڑوں کو جلانا

کپڑے  جب کہ  استعمال کے قابل ہوں،ان کو جلانا   درست نہیں؛ کیوں کہ اس میں اللہ تعالیٰ کی دی ہوئی نعمت کی ناقدری اور ناشکری ہے، لہذا اس کو جلانے کے بجائے مستحق تک پہنچانے کی کوشش کرنی چاہیے، اگر  قریب میں مستحقین موجود نہیں یا براہِ راست کسی مستحق تک پہنچانا دشوار ہو تو ایسے اداروں کو بھی دیے جا سکتے ہیں جو اس کو مستحقین تک پہنچا سکتے  ہیں یا دوسرے علاقوں کے مستحقین تک پہنچائے جاسکتے ہیں،   جلانے سے احتراز کرنا ضروری ہے، ہاں! اگر وہ اتنے بوسیدہ ہو گئے ہوں کہ وہ قابلِ انتفاع ہی نہ رہے ہوں اور کسی دوسرے کام میں بھی نہ لیے جاسکتے ہوں  تو پھرجلائے  جا سکتے ہیں۔ فقط واللہ اعلم