حیض یا نفاس کی حالت میں بیوی کے جسم سے لطف اندوز ہونا

حالتِ  حیض میں بیوی کی ناف سے لے کر اس کے گھٹنوں تک کے حصہ کے علاوہ باقی تمام جسم سے استمتاع جائز ہے، لہٰذا اگر اس حالت میں شوہر بیوی کے جسم سے تسکینِ شہوت کی تدبیر کرتا ہے تو  اس کی گنجائش ہے۔

ناف سے لے کر گھٹنوں تک کے حصے پر اگر موٹا کپڑا ہو، جس سے جسم کی حرارت محسوس نہ ہو تو رانوں کے درمیان تسکینِ شہوت کی بھی اجازت ہوگی، تاہم جن لوگوں کو خود پر اعتماد نہ ہو، انہیں اس سے اجتناب کرنا چاہیے، خدانخواستہ اگر اس دوران دخول کردیا یا ناف سے لے کر گھٹنوں کے درمیانی حصے سے کسی حائل کے بغیر استفادہ کیا تو یہ گناہ اور حرام ہوگا، اس پر سچے دل سے توبہ کے ساتھ ساتھ حسبِ توفیق صدقہ کرنا چاہیے۔

الدر المختار وحاشية ابن عابدين (رد المحتار) (1 / 290):

"(قوله: يمنع) أي الحيض وكذا النفاس، خزائن".

 فقط والله اعلم