عورتوں کا صلاۃ التسبیح کی جماعت کرانا

واضح  رہےکہ "صلاۃ التسبیح"  نفل نماز ہے اور نوافل جتنے بھی ہیں انہیں انفراداً ہی پڑھنے کا حکم ہے،  لہٰذا "صلاۃ التسبیح"  بھی اکیلے ہی پڑھنی چاہیے نہ کہ جماعت کے ساتھ۔  باقاعدہ جماعت کے ساتھ "صلاۃ التسبیح"  پڑھنا مکروہِ  تحریمی ہےاور پھر کچھ عورتوں کا ایک عورت کی امامت میں باجماعت نماز  پڑھنا، یا  گھروں سے باہر جاکر باجماعت نماز میں شریک ہونا بھی مکروہِ تحریمی ہے۔لہٰذا: 

1،2،3۔ ایک عورت کا چند عورتوں کو  صلاۃ التسبیح کی جماعت کرانامکروہِ  تحریمی ہے ۔

4۔جو عورتیں صلاۃ التسبیح پڑھنا نہ جانتی ہوں، انہیں چاہیے کہ وہ اس کا طریقہ سیکھ کر انفرادی طور پر پڑھیں، اورجب تک طریقہ معلوم نہ ہو عام نفل نماز کی طرح پڑھ کر توبہ و استغفار، دعا اور تسبیح و غیرہ کرلیا کریں۔ فقط واللہ اعلم