سانس کی تکلیف کی وجہ سے روزے میں انہیلر لینا

روزے  کی  حالت  میں جسم کے بیرونی حصے پر دوائی اور تیل لگایا جا سکتا ہے، اس سے روزے پر کوئی فرق نہیں پڑتا، البتہ  سانس  کا  مریض   روزے  کی حالت میں انہیلر  کا استعمال کرے تو روزہ ٹوٹ جائے گا؛ کیوں کہ   انہیلر   سے دوائی کے ذرات جسم میں داخل ہوتے ہیں، اس لیے  شدید ضرورت کے بغیر روزے  میں انہیلر  کا استعمال درست نہیں، اس کے استعمال سے روزہ ٹوٹ جائے گا ،  صرف قضا لازم ہو گی، کفارہ لازم نہیں ہوگا۔  فقط واللہ اعلم