ختنہ کی ابتدا کب ہوئی؟

از رُوئے شرع مردوں کے لیے ختنہ کرنا سنتِ مؤکدہ ہے، سب سے پہلے حضرت ابراہیم علیہ السلام نے اپنی ختنہ خود اپنے ہاتھوں سے  کی، اور عربوں میں بھی یہ سنتِ ابراہیمی رائج رہی؛ تا آں کہ  رسول اللہ ﷺ کی بعثت ہوئی تو آپ ﷺ نے بھی اِس سنت پر اُنہیں برقرار  رکھا، اور اُسے مذہبی شعائر میں شامل فرمایا۔

فتح الباری شرح صحیح البخاری میں ہے:

"عَنْ أَبِي هُرَيْرَةَ رَضِيَ اللَّهُ عَنْهُ قَالَ: قال رسول الله صلى الله عليه وسلم: "اخْتَتَنَ إِبْرَاهِيمُ عَلَيْهِ السَّلاَم وَهُوَ ابْنُ ثَمَانِينَ سَنَةً بِالْقَدُّومِ".

(کتاب الاحادیث الانبیاء، باب قَوْلِ اللَّهِ تَعَالَى [165 النساء]: {وَاتَّخَذَ اللَّهُ إِبْرَاهِيمَ خَلِيلًا}، ج:6، ص:388، ط:دارالفکر)

فقط واللہ اعلم