روزے میں قے کا آنا

 اگر روزے کی حالت میں ڈکار کے ساتھ معمولی قے  آجائے اور  وہ قے  خودبخود واپس چلی جائے تو روزہ نہیں ٹوٹے گا، لیکن اگر اپنے اختیار سے واپس لے جائے گا تو روزہ ٹوٹ جائے گا، خواہ منہ بھر کے ہو یا نہیں۔

 اگر روزے کے دوران الٹی ہوجائے اس کی چار صورتیں ہیں:

 1۔بلااختیار اور بلاقصد خود بخود منہ بھر کرقے آئی ۔

2۔ بلااختیار اور بلاقصد تھوڑی سی قے آئی۔

3۔ اپنے اختیار سے قے کی اور مقدار تھوڑی تھی۔

4۔ اپنے قصد و اختیار سے قے کی اور قے کی مقدار منہ بھر کر تھی۔

پہلی تینوں صورتوں میں روزہ نہیں  ٹوٹتا، جب کہ چوتھی صورت میں روزہ ٹوٹ جائے گا۔

فقط واللہ اعلم