ظہر کی قضا نماز

درج ذیل اوقات ایسے ہیں جن میں ہر طرح کی نماز (قضا و نفل) منع ہے:

1- عین طلوعِ شمس سے  لے کر  سورج  ایک نیزہ  بلند ہونے تک۔

 2- نصف   النہاریعنی  استوائے شمس  کے  وقت ۔ جب سورج دوپہر کے وقت بالکل سر پر آجائے، یہ بہت ہی مختصر وقت ہے، تاہم  فقہاءِ کرام فرماتے ہیں کہ احتیاطاً اس سے پانچ منٹ پہلے اور پانچ منٹ بعد نماز نہ پڑھی جائے۔

 3-  عصر کے بعد سورج زرد پڑجانے کے بعد سے لے کر سورج غروب ہوجانے تک۔ (سوائے اس دن کی عصر کی نماز)

اس کے  علاوہ ہر وقت ظہر کی قضا نماز پڑھی جاسکتی ہے۔  اور  جتنا جلد  ہوسکے پڑھ  لینی   چاہیے۔

الدر المختار وحاشية ابن عابدين (رد المحتار) (1/ 370، 374):

"(وكره) تحريماً، وكل ما لايجوز مكروه (صلاة) مطلقاً (ولو) قضاءً أو واجبةً أو نفلاً أو (على جنازة وسجدة تلاوة وسهو) لا شكر قنية (مع شروق) ... (وسجدة تلاوة، وصلاة جنازة تليت) الآية (في كامل وحضرت) الجنازة (قبل) لوجوبه كاملا فلا يتأدى ناقصا، فلو وجبتا فيها لم يكره فعلهما: أي تحريما. وفي التحفة: الأفضل أن لاتؤخر الجنازة".

فقط واللہ اعلم