اسفند شاکر نام رکھنا
سوال
"اسفند شاکر" نام رکھنا کیسا ہے؟ اس کا مطلب کیا ہے؟
جواب
"اسفند" فارسی کا لفظ ہے، اس کا معنی ہے : فارسی کا ساتواں مہینہ۔
" اسفندیار " کا معنی ہے: قدرتِ حق۔ (فرہنگ فارسی، ص:50، ط:دارالاشاعت) یہ ایران کے بادشاہوں میں سے گیبشتاسپ کے بیٹے کا نام ہے، لہذا اسفند کے بجائے انبیاءِ کرام علیہم السلام، صحابہ کرام رضی اللہ عنہم، یا تابعین کے ناموں میں سے کسی نام کا انتخاب کرکے رکھا جائے تو باعثِ برکت ہونے کے ساتھ ساتھ افضل بھی ہے، کیوں کہ حدیث شریف میں اچھے نام رکھنے کی تعلیم ہے، اس لیے کہ قیامت کے دن انسان کو اپنے اور اپنے والد کے نام سے پکارا جائے گا۔
ہماری ویب سائٹ کے سرور ورق پر اسلامی ناموں کے سیکشن میں حروف تہجی کی ترتیب سے لڑکوں اور لڑکیوں کے منتخب نام موجود ہیں، جنس اور حرف کا منتخب کرکے نام کا انتخاب کرسکتے ہیں۔
التنبيه والإشراف میں ہے-
"كان أولهم أردشير بن بابك بن ساسان بن بابك من ولد بهمن بن أسفنديار بن كيبشتاسب بن كيلهراسب، وهو الّذي أزال ملوك الطوائف، ويسمى ملكه «ملك الاجتماع» ملك أربع عشرة سنةً وشهورًا."
(ذكر ملوك الفرس الثانية وهم الساسانية، وهي الطبقة الخامسة من ملوكهم، ج:1، ص:87، ط:دارالصاوى)
"اسفند. [ اِ ف َ ] (اِ) در اوستا سپنته صفت است (در تأنیث سپنتا ) یعنی پاک یا مقدس ."
فقط والله اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144209200389
تاریخ18-04-2021
