حمل کی حالت میں روزوں کے درمیان وقفہ کرنے کا حکم

اگر ماہر دین دار ڈاکٹر حاملہ عورت کو یہ کہے کہ مسلسل روزے رکھنے  کی صورت میں خود اس کی جان یا بچے کی صحت  کو خطرہ ہوسکتا ہے تو اس صورت میں حاملہ عورت روزوں کے درمیان وقفہ کر نا یعنی ایک روزہ رکھنے کے بعد ایک چھوڑ کر پھر دوسرا روزہ رکھنا جائز ہے، البتہ جتنے روزے چھوٹ جائیں گے بعد میں ان روزوں کی قضا کرنا واجب ہوگی۔

فتاوی تاتارخانیہ میں ہے:

"وقال في الاصل: إذا خافت الحامل أو المرضع على أنفسهما أو على ولدهما جاز الفطر و عليهما القضاء". ( ٢/ ٣٨٤، إدارة القرآن و العلوم الإسلامية) 

فقط والله اعلم