بیوہ، بیٹی، دو بھائی اور ایک بہن میں ترکہ کی تقسیم

صورتِ  مسئولہ میں مرحوم کے ترکہ کی تقسیم کا طریقہ کار یہ ہو گا کہ اولاً مرحوم کے ترکہ سے ان کی تجہیز و تکفین کے اخراجات اور قرضہ جات ادا کیے جائیں، پھر اگر مرحوم نے کوئی جائز وصیت کی ہو تو اس کو  باقی ترکے کے ایک تہائی میں سے نافذ کیا جائے گا، اس  کے بعد مرحوم کے کل ترکہ کو 120 حصوں میں تقسیم کر کے  بیوہ کو 15 حصے، بیٹی کو 60 حصے، ہر ایک بھائی کو  18 حصے اور بہن کو 9 حصے ملیں گے۔

یعنی فیصد کے اعتبار سے بیوہ کو  12.5 فیصد، بیٹی کو 50 فیصد، ہر ایک بھائی کو 15 فیصد اور بہن کو 7.5 فیصد ملے گا۔ فقط واللہ اعلم