دودھ پلانے والی خاتون کے لیے روزہ کا حکم

دودھ پلانے والی خاتون کو روزہ رکھنے کی صورت میں  اپنی یا بچے کی مضرت کا گمان غالب ہو ، اور ماں کے دودھ کے علاوہ  بچہ کی غذا کا کوئی اور  بند وبست نہ ہو تو  ایسی صورت میں روزہ نہ رکھنے کی اسے  اجازت ہوگی،  بعد میں قضا کرنا ضروری ہوگا،  بصورتِ دیگر روزہ رکھنا ہی  ضروری ہوگا۔

فتاوی تاتارخانیہ میں ہے:

"وقال في الاصل: إذا خافت الحامل أو المرضع على أنفسهما أو على ولدهما جاز الفطر و عليهما القضاء".

( ٢/ ٣٨٤، إدارة القرآن و العلوم الإسلامية)

 فقط واللہ اعلم