نر جانور کی نذر میں مادہ جانور ذبح کرنا

فقہاءِ  کرام  نے صراحت  فرمائی ہے کہ اگر کوئی شخص نذر مانے کہ میں اونٹ ذبح کروں گا، پھر وہ سات بکریاں ذبح کر دے تو ایسا کرنا جائز ہے  اور  ایسا کرنے  سے  اُس کی نذر پوری ہو جائے گی، لہذا اگر کسی شخص نے نر جانور کی نذر مانی ہو تو مادہ جانور کو ذبح کرنے سے بھی اُس کی نذر پوری ہو جائے گی،  وکذا بالعکس۔

مجمع الأنهر في شرح ملتقى الأبحر (1/ 548):

"و لو قال: لله علي أن أذبح جزورًا و أتصدق بلحمه و ذبح مكانه سبع شياه جاز."

فقط واللہ اعلم