رمضان المبارک کے نظام الاوقات کے صفحہ / کلینڈر پر سحر و افطار کی دعائیں لکھنا

رمضان البارک کے نظام اوالاوقات کے صفحہ میں سحر و افطار کی دعائیں لکھنا  درست ہے ، البتہ ایسے صفحے یا کلینڈر وغیرہ  کا احترام ضروری ہے ، ان کو زمین پر گرنے وغیرہ سے  محفوظ  رکھاجائے ، جہاں بے ادبی کا گمان  ہو، وہاں لکھنے سے احتیاط کی جائے ۔

فتاوی ہندیہ میں ہے:

’’ولو كتب القرآن على الحيطان و الجدران، بعضهم قالوا: يرجى أن يجوز، و بعضهم كرهوا ذلك مخافة السقوط تحت أقدام الناس، كذا في فتاوي قاضيخان‘‘.

( الباب الخامس في آداب المسجد، و ما كتب فيه شيئ من القرآن، أو كتب فيه اسم الله تعالى، ٥/ ٣٢٣، ط: رشيدية)

فقط واللہ اعلم