رات کو استعمال شدہ برتن دھوئے بغیر چھوڑنا

جس برتن میں کھانے پینے کی اشیاء موجود ہوں انہیں رات  بھر ڈھکے بغیرکھلا چھوڑے رکھنے کی ممانعت احادیث میں وارد ہوئی ہے، البتہ استعمال شدہ برتن دھوئے  بغیر مستعمل ( گندے ) چھوڑے رکھنے  یا برتنوں کے بددعا دینے کے حوالے سے کوئی  جزئیہ یا حوالہ نہیں مل سکا، لہذا اسے شرعًا ممنوع نہیں کہا جاسکتا، تاہم رات کو سونے سے پہلے  صفائی کرلینا بہتر ہے، تاکہ کیڑے مکوڑوں سے بھی حفاظت ہوسکے۔  فقط واللہ اعلم