کیا کلینک/ لیبارٹری میں ایکو مشین کی قیمت پر زکات ہے؟

صورتِ  مسئولہ  میں ایکو مشین کی قیمت پر زکات واجب نہیں،  البتہ اس سے ہونے والی  کل آمدنی  یا آمدنی  کا  کچھ  اگر سال بھر محفوظ رہتا ہو،  اور پہلے سے صاحبِ  نصاب ہوں یا اس جمع شدہ رقم کی وجہ سے صاحبِ نصاب بن جائیں تو  زکات کا سال مکمل ہونے پر اس حصہ کو بھی کل جمع پونجی میں شامل کرکے کل کا چالیسواں حصہ یعنی ڈھائی فیصد بطور زکات ادا کرنا لازم ہوگا، بصورتِ دیگر اگر ایکومشین سے حاصل ہونے والی آمدنی  اگر خرچ ہوجاتی ہو، کچھ بھی نہ بچتی ہو تو اس صورت میں اس آمدنی پر زکات واجب نہ ہوگی۔ فقط واللہ اعلم